The Digital Manipulus/Scotichronicon Project

Anno domini m° cccc° xi villa regia de Lynlithqw casuali incendio comburitur in vigilia apostolorum Petri et Pauli; et pons de Roxburgh frangitur per dominos Willelmum de Douglas de Drumlangrig et Gawanum de Dunbar milites et villa combusta. Anno sequenti dominus Archibaldus secundus comes de Douglas cum honorabili comitiva militum et armigerorum transtulit se primo ad Franciam. Unde ter navem ascendit et vela tetendit; sed tociens repulsus ventus contrarius vela retorsit, donec de consilio domini Henrici de Sancto Claro secundus [sic] hoc nomine comitis Orchadie socii sui itineris insulam Emoniam devote adiit, ubi facta oblacione Sancto Columbe navem reascendit et prospero vento Flandream subiit. Et Sancto Columba duce feliciter ad propria reversus est. Eodem anno fundata est nova ecclesia parochialis Sancti Andr'.

Eodem anno duellum inter Johannem Hardi et Thomam Smyth apud Batelhawlche judice Archibaldo ii hoc nomine comite de Douglas, ubi occubuit Thomas Smyth invasor qui falso opposuit crimen prodicionis Johanni premisso.

Anno domini m° cccc° xiii Johannes Dromond de Concrag miles interfecit dominum suum dominum Patricium Graham comitem de Strathern insidiose in festo Sancti Laurencii apud Crefe in Strathern, non obstante quod ante hoc erant per literas et juramenta assecurati, et de perpetua amicicia confederati data in matrimonium dicto militi sorore dicti comitis, ac de fraccione sacramenti corporis Christi ad firmiorem federis indissolubilitatem adinvicem communicati. O quam maxima et temeraria presumpcio est Christianos temptare Creatorem suum de tali meticulosa communicacione, cum sufficere posset eis sola promissio, fides prestita vel juramentum literis et sigillis vallatum, cum tamen dicat Jacobus in sua canonica: 'Sit sermo vester: Est, est, Non, non, ut non sub judicio decidatis.' Numquam recolo me audivisse fructum de huiusmodi communicacione provenisse. O quam pauci hodie reperiuntur tales qualis fuit ille qui dicebat:

Hec Seneca in proverbiis. Hec propterea dico quia cum ante inimici extiterant, in composicione pacis perpetuam juraverunt amicabilem fidelitatem, et ad confirmacionem huius participarverunt de communione sacramenti corporis Christi. Qui et principales factores videlicet Willelmus Olifant et Arthurus frater eius tracti fuerunt et suspensi. Miles vero dissenteria periit.

Anno domini m° cccc° xv combustio ville de Pennyr' per Archibaldum comitem de Douglas propter quod eodem anno Anglici combusserunt villam de Dumfree. Eodem eciam anno facta est liberalis commutacio et liberacio dominorum Murdaci Stewart filii et heredis domini ducis Albanie gubernatoris regni et Henrici Percy tercii hoc nomine comitem de Douglas propter quod eodem anno Anglici combusserunt villam de Dumfress. Eodem eciam anno facta est liberalis commutacio et liberacio dominorum Murdaci Stewart filii et heredis domini ducis Albanie gubernatoris regni et Henrici Percy tercii hoc nomine comitis Northumbrie. Qui Murdacus in Anglia captivus tenebatur a bello de Homyldon usque tunc; et similiter dictus comes in Scocia non tmquam captivus sed per avum suum qui apud Wyderbi occubuit domino duci Albanie pro ipsius vita conservanda commissus honorifice in Scocia tractabatur, propter quod hucusque valde favorabilem se Scotis exhibet atque gratum. Anno domini m° cccc° xiiii incepit consilium Constancien' quod continuavit per quator annos ubi dissipatum fuit scisma antiquatum per lxxx annos et ultra. Quod processit inter tres de papatu contendentes, scilicet inter Balthasar de Coxa qui et Johannes xxiii, et Angelum Corario qui et Gregorius xii, et Petrum de Luna qui et Benedictus xiii dicti sunt in suis obedienciis. Ubi electus fuit Guido de Columpna in papam unicum et indubitatum qui Martinus quintus vocatus est. Anno sequenti fundata est nova ecclesia parochialis in Cupro de Fife. Eodem anno rex Anglie Henricus quintus filius Henrici de Longcastel qui deposuit regem suum Richardum cepit portum munitissimum Normannie Harflew Montevillereis nomine, dehinc Hundflet Caldbek Tankirvil Cant et Rothomagum et consequenter quasi totam Normanniam. Et abhinc deputatis certis custodibus ad oppida et castra custodienda, quia multi de exercitu suo dissenteria perierunt proposuit se cum exercitu xii milium Angliam ad refocillandum se pro tempore transferre; sed in itinere multitudine Francorum circumcepti apud Hegyncourt prope Sanctum Paulum congressum est acriter et pugnatum, ubi ducentena milia Francorum devicti. Interfecti sunt duces Brabancie Alanson Baar' cum Johanne fratre suo, comes Invyers et constabularius Francie, necnon archiepiscopus Cinomannis; captique duces Burbundie Aurilianen' et Bursigaldus marescallus Francie cum c'. Ex parte.