The Digital Manipulus/Scotichronicon Project

Prostratis ubique cunctis hostibus vel ad suam deductis pacem, idem sepe dictus Malcolmus apud Sconam, presentibus regni majoribus, in trono regali positus est, et in omnium Scotorum gloriam et honorem eodem aprili mense die Sancti Marci coronatus, ea eodem videlicet anno domini m° lviiᵒ et imperatoris Henrici iiiiᵒ sive ut predixi tercii anno primo, qui Henricus imperavit annis ferme 1. Malcolmi igitur regno pacato, pro retribucione sua thanus de Fife tria peciit pro se et dominis sive thanis de Fife suis successoribus, videlicet quod regem locarent in sede tempore sua coronacionus; et quod in omni exercitu bellico regis, ubi oppansum foret eius vexillum, vangardium gubernaret, quod eciam ipse et omnes in posterum de sua cogniacione, pro subitanea et improvisa occisione, gauderent privilegio legis Macduf, ubi generosus occidens solvendo xxiiii marcas ad kinbot, et vernacius xii marcas remissionem plenariam exinde reportarent.

Tunc temporis fames et mortalitas fuerunt in universa terra. Huius tempore quidam potens, dum sederet in convivio, repente a muribus circumvallatus est; et cum esset innumerabilis multitudo murium, et multi convive, de nullo captabant nisi de illo; sed cum a suis in pelago maris deductus esset, nil ei profuit, quia mures navim sequentes ipsum usque ad aque introitum corrodeabant. In terram igitur positus, a muribus totus dilaceratus est et comestus. Idem dicitur cuidam principi Appollonie contigisse. Et hoc minus mirum judicatur, quia pro certo dicitur quod in quibusdam terris, si leopardus ali quem momorderit, confestim murium copiam advenire, ut vulneratum commingant; immundum urine diluvium hominis exitium comitari. Tempore namque Machebede magna fertilitas erat in Scocia, qui anno domino mᵒ l Rome argentum spargendo pauperibus distribuit.

Anno domini m° xxviᵒ obiit Richardus secundus dux Normannorum, cui successit Richardus iii eodem anno defunctus. Cui successit Robertus frater eius, pater Willelmi Bastard. Ut sciatis quot fuerunt duces ante Willelmum, et a quo originem habuerunt, patet per metra:

Et quia fuerunt nisi tres reges de stirpe Danica Cnutus scilicet Hardknutus et Haraldus paulisper hic de iis loquendum est; sed postea in loco suo de eisdem immorandum. Anno mᵒ xvii Knutus filius Suani tocius Anglie suscepit imperium, et duxit in uxorem Emmam filiam Richardi ducis Normannorum, que prius uxor Ethelredi regis; ex qua Hardeknutum postea Danorum et Anglorum regem et Guinildam filiam genuit, que nupsit postea Henrico Romanorum imperatori. Anno mᵒ xxxviiiᵒ rex Knutus Noreganos, Olavum regum suum propter eius sanctitatem spernetes, multa auri et argenti copia ceccatos corrupit et I magnis navibus Norwegiarn devectus, Olavum de illa expulit, sibique eam subjugavit; et anno sequenti idem Knutus Anglorum Danorum et Noriganorum rex Angliam rediit. Anno quoque sequenti Sanctus iste Olavus rex et martyr, Haroldi regis Noriganorum filius, quem Knutus expulerat, in Noraga perimitur a suis. Et anno sequenti Knutus magno cum honore Romam profectus, ingencia munera Sancto Petro in auro et argento optulit, et ut scola Anglorum libera esset a Johanne papa impetravit.

Introduction to notes on chapter 9, (pp.187–8):

“…The abbreviated version of this chapter which appears in MS CA (VI c.27)…continues with an additional passage: ‘Hiis enim temporibus diversi reges peregrinacionis optent apostolorum limina visitabant, sicut et paulo ante, scilicet Anno domini Mᵒ xxxii primo.’…followed by a longer additional passage:

...The passages referred to in the quotation are [as follows]:... 11.21-25 ("Si vis ... eternam'), not identified"